Afkomukynning fyrir árið 2019
| Kennitölur | 31.12.2019 | 31.12.2018 |
|---|---|---|
| Hagnaður eftir skatta | 18.235 | 19.260 |
| Hreinar rekstrartekjur | 51.517 | 53.910 |
| Hreinar vaxtatekjur | 39.670 | 40.814 |
| Arðsemi eigin fjár fyrir skatta | 11,3% | 12,8% |
| Arðsemi eigin fjár eftir skatta | 7,5% | 8,2% |
| Eiginfjárhlutfall alls | 25,8% | 24,9% |
| Vaxtamunur eigna og skulda | 2,4% | 2,7% |
| Kostnaðarhlutfall* | 42,6% | 45,5% |
| Heildarlausafjárþekja | 161% | 158% |
| Lausafjárþekja erlendra mynta | 769% | 534% |
| Heildareignir | 1.426.328 | 1.326.041 |
| Hlutfall útlána til viðskiptamanna af innlánum | 161,1% | 153,6% |
| Stöðugildi | 893 | 919 |
* Kostnaðarhlutfall = Rekstrargjöld alls / (Hreinar rekstrartekjur - virðisbreytingar útlána)
Allar upphæðir eru í milljónum króna
Rekstrarhagnaður Landsbankans eftir skatta nam 18,2 milljörðum króna á árinu 2019 samanborið við 19,3 milljarða króna á árinu 2018. Arðsemi eigin fjár eftir skatta var 7,5% á árinu 2019, samanborið við 8,2% arðsemi árið 2018. Eiginfjárhlutfall bankans nam 25,8% í árslok 2019 samanborið við 24,9% eiginfjárhlutfall í byrjun ársins.
Hagnaður (m. kr.)
Arðsemi eigin fjár
Eiginfjárhlutfall
Vaxtamunur bankans, hlutfall hreinna vaxtatekna af meðalstöðu efnahagsreiknings, lækkaði um 1,1 milljarð króna á milli ára. Á árinu 2019 var vaxtamunurinn 2,4% samanborið við 2,7% árið á undan.
Hreinar þjónustutekjur Landsbankans á árinu eru 8,2 milljarðar króna sem er sama fjárhæð og á árinu 2018. Aðrar rekstrartekjur námu 8,5 milljörðum króna samanborið við 3,6 milljarða árið áður. Hækkunin skýrist aðallega af jákvæðum gangvirðisbreytingum óskráðra hlutabréfa. Kostnaðarhlutfall lækkaði milli ára, er 42,6% árið 2019 samanborið við 45,5% árið 2018.
Efnahagsreikningur
Heildareignir bankans námu 1.426 milljörðum króna í árslok 2019 og hækkuðu þær um 8% á árinu.
Helstu breytingar á eignahlið efnahags Landsbankans á árinu 2019 voru þær að útlán til viðskiptavina jukust um 7,1% á milli ára, eða um 75,7 milljarða króna. Útlán til fyrirtækja jukust um 21,4 milljarða króna og útlán til einstaklinga jukust um 54,3 milljarða króna. Markaðsskuldabréfaeign bankans hækkaði um 38,2 milljarða króna á árinu. Útlán og kröfur á lánastofnanir lækkuðu um 23,5 milljarða króna á árinu.
Á skuldahlið voru þær breytingar helstar að innlán viðskiptavina jukust um 2,1% á árinu 2019, eða um 14,8 milljarða króna. Innlán frá fjármálafyrirtækjum hækkuðu um 13,5 milljarða króna á árinu. Lántaka bankans hækkaði um 58,8 milljarða króna á árinu, eða 18,7%.
Landsbankinn gaf út víkjandi skuldabréf að fjárhæð 5,5 milljarðar króna í desember. Útgáfan er liður í því að auka hagkvæmni í fjármagnsskipan bankans.
Eigið fé bankans var 247,7 milljarðar króna í lok árs 2019 og hækkaði um 8,1 milljarð króna á árinu en á árinu var greiddur arður að fjárhæð 9,9 milljarðar króna vegna rekstrarársins 2018. Hagnaður bankans nam 18,2 milljörðum króna á árinu 2019
Kostnaðarhlutfall
Heildareignir (m. kr.)
Vaxtamunur (m. kr.)
*Vaxtamunur eigna og skulda
| Eignir (m. kr.) | 31.12.2019 | 31.12.2018 | Breyting 2019 | |
|---|---|---|---|---|
| Sjóður og innstæður í Seðlabanka | 69.824 | 70.854 |
-1.030 | -1% |
| Markaðsskuldabréf | 115.262 | 77.058 |
38.204 | 50% |
| Hlutabréf | 30.019 | 23.547 |
6.472 | 27% |
| Útlán og kröfur á lánastofnanir | 47.929 | 71.385 |
-23.456 | -33% |
| Útlán og kröfur á viðskiptavini | 1.140.184 | 1.064.532 |
75.652 | 7% |
| Aðrar eignir | 22.088 | 17.335 |
4.753 | 27% |
| Eignir í sölumeðferð | 1.022 | 1.330 |
-308 | -23% |
| Samtals | 1.426.328 | 1.326.041 |
100.287 | 8% |
| Skuldir og eigið fé (m. kr.) | 31.12.2019 | 31.12.2018 | Breyting 2019 | |
|---|---|---|---|---|
| Skuldir við lánastofnanir og Seðlabanka | 48.062 | 34.609 |
13.453 | 39% |
| Innlán frá viðskiptavinum | 707.813 | 693.043 |
14.770 | 2% |
| Lántaka | 373.168 | 314.412 |
58.756 | 19% |
| Aðrar skuldir | 30.470 | 31.027 |
-557 | -2% |
| Víkjandi lántaka | 19.081 | 13.340 |
5.741 | 43% |
| Eigið fé | 247.734 | 239.610 |
8.124 | 3% |
| Samtals | 1.426.328 | 1.326.041 |
100.287 | 8% |
Eigið fé (m. kr.)
* EiginfjárhlutfallLausafjárstaða
Lausafjárstaða bankans bæði í heild og í erlendri mynt var traust á árinu 2019 og lausafjárhlutföll bankans vel umfram kröfur eftirlitsaðila. Lausafjáreignir námu tæpum 204 milljörðum króna í lok árs 2019.
Meginmælikvarði lausafjáráhættu til skamms tíma er lausafjárþekja (e. liquidity coverage ratio (LCR)) sem mælir hlutfall hágæða lausafjáreigna af hreinu heildarútflæði á næstu 30 dögum miðað við álagsaðstæður.
Heildarlausafjárþekja var 161% í lok árs 2019 en Seðlabankinn gerir kröfu um að hlutfallið sé að lágmarki 100%. Lausafjárþekja erlendra mynta var á sama tíma 769% en Seðlabankinn gerir kröfu um að það hlutfall sé að lágmarki 100%. Lausafjárþekja í íslenskum krónum var 61% í lok árs 2019 en frá og með 1. janúar 2020 gerir Seðlabankinn kröfu um að hlutfallið sé að lágmarki 30%.
Heildarlausafjárþekja (LCR)
Lágmarkskrafa Seðlabankans = 100%
Lausafjárþekja erlendar myntir (LCR FX)
Lágmarkskrafa Seðlabankans = 100%
| Lausafjárforði (m. kr.) | 31.12.2019* | 31.12.2018* | Breyting 2019 | |
|---|---|---|---|---|
| Sjóður og innstæður í Seðlabanka | 44.235 | 35.291 | 8.944 | 25% |
| Markaðsskuldabréf og önnur verðbréf veðhæf hjá Seðlabanka | 19.665 | 9.738 |
9.927 | 102% |
| Erlend ríkisskuldabréf með 0% áhættuvog | 82.320 | 49.932 |
32.388 | 65% |
| Hágæða lausafjáreignir | 146.220 | 94.961 |
51.259 | 54% |
| Útlán og kröfur á fjármálafyrirtæki | 57.584 | 81.211 |
-23.627 | -29% |
| Heildarlausafjárforði | 203.804 | 176.172 |
27.632 | 16% |
*Lausafjárvirði
Þróun lausafjáreigna árið 2019 (m. kr.)
Útlán til viðskiptavina námu 1.140 milljörðum króna í lok árs 2019 samanborið við tæpa 1.065 milljarða króna í byrjun ársins og hækkuðu þau um 75,7 milljarða króna á árinu.
Útlán jukust bæði til einstaklinga og fyrirtækja. Heildarvanskil fyrirtækja og heimila stóðu í stað á milli ára og voru 0,8% í árslok 2019. Heildareignir bankans hækkuðu um 100,3 milljarða króna á árinu.
Innlán frá viðskiptavinum jukust um 2% á árinu 2019, eða um 14,8 milljarða króna. Skuldir við lánastofnanir og Seðlabanka hækkuðu um 13,5 milljarða króna á árinu.
Eignir
Skuldir og eigið fé
Samsetning innlána (m. kr.)
Eignir til sölu
Skuldir tengdar eignum til sölu
Í júlí 2019 staðfesti S&P Global Ratings óbreytta lánshæfiseinkunn Landsbankans BBB+/A-2 en breytti horfum úr stöðugum í neikvæðar.
Landsbankinn gaf út skuldabréf til þriggja ára að fjárhæð 500 milljónir sænskra króna og 1.000 milljónir norskra króna í febrúar. Skuldabréfin bera breytilega vexti og voru seld á kjörum sem jafngilda 175 punkta álagi ofan á millibankavexti í sænskum og norskum krónum. Í maí gaf bankinn út skuldabréf til átján mánaða að fjárhæð 300 milljónir norskra króna með breytilegum vöxtum sem voru seld á kjörum sem miðast við 83 punkta álag ofan á millibankavexti í norskum krónum. Einnig var áður útgefinn flokkur með átján mánaða líftíma stækkaður um 600 milljónir sænskra króna á kjörum sem jafngilda 85 punkta álagi ofan á millibankavexti í sænskum krónum.
Eftirstöðvar skuldabréfaútgáfu að fjárhæð 350 milljónir sænskra króna og 500 milljónir norskra króna voru greiddar upp á gjalddaga þeirra í júní.
Fyrsta víkjandi skuldabréfaútgáfa bankans í íslenskum krónum var gefin út í desember að fjárhæð 5.5 milljarðar króna og seld á ávöxtunarkröfunni 3,85%. Skuldabréfin eru verðtryggð til tíu ára en innkallanleg að fimm árum liðnum.
Regluleg útboð sértryggðra skuldabréfa voru haldin á árinu 2019 og voru áður útgefnir flokkar stækkaðir auk þess sem óverðtryggði flokkurinn LBANK CB 19 var greiddur upp á gjalddaga í september.
Endurgreiðsluferill lánsfjármögnunar (m. kr.)
| Rekstrarreikningur (m. kr.) | 2019 | 2018 | Breyting 2019 | |
|---|---|---|---|---|
| Hreinar vaxtatekjur | 39.670 | 40.814 |
-1.144 | -2,8% |
| Virðisbreyting | -4.827 | 1.352 |
-6.179 | -457,0% |
| Hreinar vaxtatekjur eftir virðisbreytingu | 34.843 | 42.166 |
-7.323 | -17,4% |
| Hreinar þjónustutekjur | 8.219 | 8.157 |
62 | 0,8% |
| Gjaldeyrisgengismunur | -584 | -1.497 |
913 | -61,0% |
| Aðrar rekstrartekjur | 8.455 | 3.587 | 4.868 | 135.7% |
| Afkoma fyrir rekstrarkostnað | 51.517 | 53.910 |
-2.393 | -4,4% |
| Laun og launatengd gjöld | 14.458 | 14.589 |
-131 | -0,9% |
| Önnur rekstrargjöld | 9.534 | 9.348 |
186 | 2,0% |
| Rekstrarkostnaður | 23.992 | 23.937 |
55 | 0,2% |
| Hagnaður fyrir skatta | 27.525 | 29.973 |
-2.448 | -8,2% |
| Tekju- og bankaskattur | -9.290 | -10.713 |
1.423 | -13,3% |
| Hagnaður ársins | 18.235 | 19.260 |
-1.025 | -5,3% |
Hreinar vaxtatekjur námu 39,7 milljörðum króna á árinu 2019 samanborið við 40,8 milljarða króna árið 2018. Vaxtamunur eigna og skulda nam 2,4% en var 2,7% árið áður.
Virðisbreytingar útlána og krafna voru neikvæðar um 4,8 milljarða króna samanborið við jákvæða virðisbreytingu upp á 1,4 milljarða króna árið 2018. Hreinar þjónustutekjur Landsbankans á árinu eru 8,2 milljarðar króna sem er sama fjárhæð og á árinu 2018.
Aðrar rekstrartekjur námu 8,5 milljörðum króna á árinu 2019 samanborið við 3,6 milljarða króna árið 2018, sem er aukning um 136% á milli ára. Hækkunin skýrist aðallega af jákvæðum gangvirðisbreytingum óskráðra hlutabréfa.
Breyting milli 2018 og 2019 (m. kr.)
Rekstrarkostnaður ársins 2019 var 24 milljarðar króna og hækkar um 0,2% frá fyrra ári. Launakostnaður lækkar um 0,9% á milli ára og annar rekstrarkostnaður hækkar um 186 milljónir, eða um 2,0%. Kostnaðarhlutfallið fyrir árið reiknast 42,6%. Kostnaðarhlutfallið sýnir hlutfall rekstrargjalda bankans á móti hreinum rekstrartekjum, að undanskildum virðisbreytingum. Stöðugildum í samstæðu bankans fækkaði um 26 á árinu 2019, úr 919 í 893.
Afkoma 2019 (m. kr.)